القصيدة لا تزال فى جيبى !!

الجزء الأول:

- مش باقى لى منِّكـ غير ( رُبع جنية )
.. و شوية فكَّة .. و شوية سلَطَة ..
- ربع جنية مَمضِى ..
و فكّة هبلة ..
و السلَطة .. سلَطة !
- مش باقى لى منك غير ( خروجة) ..
كانت فى يوم .. ما بين يومين ورا بعض ..
يا (جمعة )و (سبت )يا (سبت )و (حد) ..


الجزء التانى:

- مش باقى لى منِّكــ حاجة خالص !!
- (الربع جنية) .. اتصرف فى زنقة
- و ( الفكّة )وقعت من جيب البدلة
- و ( السلطة) مازالت (سلطة )..
بس باظت من كُتر القَعدَة !!
- و الخُروجَة طلعت مش حقيقية
- و اليوم ده مش منسى
- اليوم ده (أصلا) محصلشى
- الوعود هى اللى منسية
- ما أنا (أصلا) ملزمشى !!